Спорт Қазақстан
$447.89 €476.78 ₽4.79
×

«Әр қазақстандық жылына 3 келі 700 грамм балық жейді», - Сергей Пономарев

«Әр қазақстандық жылына 3 келі 700 грамм балық жейді», - Сергей Пономарев

Елімізде балық өсіретін шаруашылықтар көбейген. Қазір олардың саны 500-ге жетті. Сәйкесінше, балық көлемі де біршама артқан. Мәжілісте «Акваөсіру туралы» заң жобасы талқыланды. Енді елімізде балықты сақтандыру тетігі енгізілуі мүмкін.

Нариман ЖҮНІСОВ, ҚР АШМ БАЛЫҚ ШАРУАШЫЛЫҒЫ КОМИТЕТІНІҢ ТӨРАҒАСЫ:

Балық шаруашылығына жеке инвестицияның тұрақты өсіп келе жатқаны байқалады. 2021 жылы салаға 6,1 млрд теңге инвестиция салынса, өткен жылы негізгі капиталға салынған инвестиция көлемі 22 млрд теңгеге жетті. Сондай-ақ былтыр субсидиялауға 4,1 млрд теңге қарастырылды. Бұл бір жыл бұрынғы көлемнен 4 есеге көп. Осы жылға шамамен 4 млрд теңге қарастырылып отыр. Салалық бағдарлама аясында жыл сайын қаржы көлемі арта түсетін болады.

Суда балық көбейді дегенмен, қазақстандықтар бұл өнімге әлі күнге жарымай отыр. Мәжіліс депутаты Сергей Пономарев су қоймалары мол болғанымен, дастархандағы балықтың дені сырттан келетінін айтты.

Сергей ПОНОМАРЕВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, ЭКОЛОГИЯЛЫҚ МӘСЕЛЕЛЕР ЖӘНЕ ТАБИҒАТТЫ ПАЙДАЛАНУ КОМИТЕТІНІҢ МҮШЕСІ:

Біз жылына 3 келі 700 грамм балық жейміз – бұл өте аз. Бізде тек мерекелік дастарханда ғана балық болады. Оның өзі негізінен қызыл балық, ақсерке, яғни, сырттан келген өнім. Бізде Балқаш, Зайсан, Каспий сынды су қоймалары көп. Ал балық қағазда ғана өсіріледі. Сондықтан да Мәжіліске «Авкаөсіру туралы» заң жобасы енгізіліп отыр. Біз балық өсіру тиімді болу үшін, тұрғындардың дастарханында балық үзілмес үшін бәрін жасауға тырысамыз.